2023 оны “Намрын мод тарих өдөр” арга хэмжээг зохион байгууллаа

“Тэрбум мод” үндэсний хөдөлгөөнд “Оюу толгой” компани нэгдэн “100 сая мод” тарих амлалт өгсөн билээ.

Энэхүү үүрэг амлалтаа хэрэгжүүлэх хүрээнд бид жил бүр мод тарих үйл ажиллагааг 2 удаа зохион байгуулдаг бөгөөд 2023 оны “Намрын мод тарих өдөр” арга хэмжээ 10 дугаар сарын 14-ний Бямба гарагт “Үндэсний цэцэрлэгт хүрээлэн”-нд амжилттай зохион байгуулагдлаа.
Өнгөрсөн хавар манай ажилтнууд гэр бүлийнхээ хамтаар 2,000 модыг тарьж байсан бол энэ удаа 1200 мод нэмж тарин төглөө өргөжүүлэв.
Мод тарьж ургуулах, байгаль орчноо хамгаалах үйлсэд идэвх санаачилгатай оролцсон та бүхэндээ баярлалаа.

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.