2020 “БИГ” төвийн үйл ажиллагааны үр дүн
Өмнөговь аймаг, Германы Олон Улсын Хамтын Ажиллагааны Нийгэмлэг (ГОУХАН-GIZ), Оюу Толгой ХХК болон “Говийн Оюу Хөгжлийг Дэмжих сан” хамтран “Жижиг дунд үйлдвэрийг чадавхжуулах” Хамтарсан хөтөлбөрийг хэрэгжүүлж “Хамтарсан хөтөлбөр”-ийн хүрээнд байгуулсан “Бизнес Инноваци, Хөгжлийн төв”-үүдийг байгуулсан билээ. Тус төв нь зөвлөх үйлчилгээнээс гадна нийт 58 сургалт/арга хэмжээ зохион байгуулж 1234 хүнийг хамруулсан (үүнээс 66% нь эмэгтэйчүүд) байна. Сар бүр дунджаар 8.2 сургалт/арга хэмжээг зохион байгуулж үр дүнд нь сургалтад хамрагдсан байгууллагуудын 34% нь борлуулалтын орлого нэмэгдэн, ажлын байр 50% нэмэгдэн (үүнээс 67% нь эмэгтэй), үйл ажиллагаа нь өргөжиж, бүтээгдэхүүний чанар сайжирч сургалтын агуулга, заах арга барилд сэтгэл хангалуун байсан байна. Өмнөговийн арван аж ахуйн нэгж Оюу толгойн гэрээт бөгөөд гэрээтийн туслан гүйцэтгэгч болж Манлай суманд тоосны өмсгөлийн үйлдвэр амжилттай ажиллаж байна.
“Оюу толгой” ХХК-ийн тухай (www.ot.mn)
“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.
"Оюу толгой"-н Фэйсбүүк болон Твиттер хаягаар бидэнтэй холбогдож болно.