Өмнөговь аймгийн Манлай сумд нэг удаагийн хамгаалалтын хувцас нийлүүлэх үйлдвэрүүдийн нээлт боллоо
“Ханбогд Индастри” компани нь уурхайд нэг удаагийн хамгаалалтын хувцас нийлүүлэх үйлдвэрээ Өмнөговь аймгийн Манлай сумд нээлээ.Тус компани “Оюу толгой” компанитай гурван жилийн гэрээ байгуулснаар Манлай сумаас “Оюу толгой”-д бүтээгдэхүүн нийлүүлэх анхны ханган нийлүүлэгчид болсон төдийгүй жилд нэг удаагийн 150,000 хамгаалалтын хувцас үйлдвэрлэх хүчин чадалтай юм.
“Оюу толгой” компани “Монголд үйлдвэрлэв” стратегийнхаа хүрээнд орон нутгийн жижиг, дунд бизнес эрхлэгчдийг дэмжин ажилладаг бөгөөд “Ханбогд Индастри” компанитай мөн энэ хүрээнд хамтран ажиллах болсон билээ.
“Оюу толгой” ХХК-ийн тухай (www.ot.mn)
“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.
"Оюу толгой"-н Фэйсбүүк болон Твиттер хаягаар бидэнтэй холбогдож болно.