Үндэсний агаарын тээвэрлэгч компаниудтай шинэ гэрээнд гарын үсэг зурах ёслол боллоо

“Оюу толгой” компани үндэсний агаарын тээврийн компаниуд болох MIAT Mongolian Airlines, Hunnu Air болон Aero Mongolia LL компаниудтай стратегийн түвшинд хамтран ажиллах тухай хамтын ажиллагааны гэрээг өнгөрсөн Баасан гарагт зурлаа. Ингэснээр талууд илүү ил тод, нээлттэй ажиллан, хамтран олон сайжруулалтуудыг нэмж хийх боломж бүрдлээ. 2013 оны 2-р сард Ханбумбат нисэх онгоцны буудал ашиглалтад орсноос хойш “Оюу толгой” компани орон нутгийн агаарын тээврийн компаниудтай хамтран ажиллаж, Оюу толгойн уурхай болон Даланзадгад сум уруу 12,000 гаруй нислэг үйлдэж, 1.1 сая орчим зорчигчийн шилжилт хөдөлгөөнийг зохицуулан тээвэрлэжээ.



“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.