Ажил мэргэжил

Уурхайн мэдээлэл, харилцааны ажилтан

“Оюу толгой”-н ажиллах хүчний 96-с илүү хувь нь монгол ажилтнууд бөгөөд компанийн стратегийн гол чиглэл нь ажиллагсдынхаа чадварыг тасралтгүй хөгжүүлэхэд оршдог билээ. Бид өндөр чадвартай боловсон хүчнийг өөрсдөдөө татахыг зорьдог. Ингэснээр бид хамтдаа Монгол Улсын хөгжил дэвшилд хувь нэмэр оруулах, аюулгүй, дэлхийд өрсөлдөхүйц зэсийн үйлдвэрлэлийг бий болгож чадах юм.

Ажлын байр

"Оюу толгой" ХХК – Гадаад харилцаа, олон нийттэй харилцах – Дотоод мэдээлэл харилцааны багт Оюу толгойн уурхайн талбарт 14 хоног ажиллаж, 14 хоног амрах хуваарьтайгаар ажиллах нэг (1) Уурхайн мэдээлэл, харилцааны ажилтан ажлын байранд ажилтан шалгаруулж авна.

Тус албан тушаалтан нь компанийн алсын хараа, эрхэм зорилго, үнэт зүйлс, стратегийг баримталж, компанийн Ажилтны оролцоог хангах төлөвлөгөөг хэрэгжүүлэх, ажилтнуудыг компанийн бие төлөөлөгч болгох, байгууллагын нэр хүндийн эрсдэлийг бууруулах зорилгоор Оюу толгой ХХК-ийн Дотоод мэдээлэл харилцааны мэдээллийн цахим сувгийн бүтээгдэхүүний хэрэгжилт, төлөвлөлтийн хэрэгжилтэд хяналт тавьж ажиллахаас гадна уурхайн аялал болон ажилчдад зориулсан үйл ажиллагаануудыг дэмжин ажиллана. Тус ажлын байр нь ОТ уурхайд байрлах боловч шаардлагатай үед Улаанбаатар хотод очиж ажиллана.

Энэхүү албан тушаалтны ажлын үндсэн үр дүн нь ГХОНХ хэлтсийн стратеги болон компанийн алсын хараа, эрхэм зорилго, үнэт зүйлс, стратегийн зорилтуудыг өргөн хүрээнд хэрэгжүүлнэ.

Үүрэг даалгавар

• Уурхайн айлчлалын зөвшөөрлөөс өмнө ба зөвшөөрлийн дараах үйл ажиллагааг санаачлагатайгаар дэмжиж ажиллах; (5%)
• Уурхайн талбар дахь айлчлал хариуцсан зөвлөхийн эзгүйд бүх айлчлалуудад хяналт тавин, ГХОНХ, Үйл ажиллагаа, Дэд бүтэц хариуцсан Ерөнхий менежрүүдэд зөвшөөрөл олгоход нь зориулж мэдээлэл бэлдэх, цуглуулах; (10%)
• Ажилчдад зориулж хэрэгтэй мэдээ, мэдээллийг цаг тухайд нь бэлдэх, хүргэх зохицуулалт дээр ажиллах; (10%)
• Ажилчдад зориулсан арга хэмжээг зохион байгуулахад дэмжлэг үзүүлэх; (10%)
• Олон нийт, хэвлэл мэдээлэл, тусгай зочид, бусад чухал харилцагчдын айлчлалыг зохион байгуулж, хүлээн авах; (5%)
• Компаний чухал үйл ажиллагааг зохицуулан, аюулгүй, цагтаа, төсөвт багтсан, мэргэжлийн өндөр түвшинд зохион байгуулах; (10%)
• Ажилчдын оролцоог хангах бүх сувгуудаар цацагдах материалуудын эх бэлтгэл, зөвшөөрөл, цацагдах үйл ажиллагаанд идэвхи санаачлагатай оролцох; (10%)
• Ажилчдын оролцоог хангах бүх сувгуудаар цацагдах материалуудыг шалгаж, үйлчлүүлэгч хэлтэс, удирдлагуудаддэмжлэг үзүүлэх; (10%)
• Ажилчдын оролцоог хангах баг ба ГХОНХ хэлтсийн ерөнхий үйл ажиллагаанд хувь нэмэр оруулан, Уурхайн талбар дахь айлчлал, мэдээлэл харилцаа хариуцсан зөвлөхийг шаардлагатай үед орлон ажиллана. (20%)

Тавигдах шаардлага

• Харилцаа, маркетинг, сэтгүүл зүй, бизнес, олон нийтийн харилцаа буюу холбогдох мэргэжлээр бакалаврын зэрэг эзэмшсэн байх (холбогдох ажлын туршлагатай бол орлуулан тооцох боломжтой);
• Харилцаа, олон нийттэй харилцах, оролцогч талуудын харилцаа болон холбогдох салбарт 2-оос доошгүй жил ажилласан байх.
• Багаар ажиллах туршлагатай, байгууллагын дотоодын оролцогч талуудын хэрэгцээ шаардлагыг тодорхойлох чадвартай;
• Бусадтай мэдлэг, туршлага, чадвараа хуваалцах, туслах чадвартай;
• Төвөгтэй асуудлыг шийдвэрлэх чадвартай, болгоомжтой хянуур бөгөөд шулуун шударга;
• ОТ-н үйл ажиллагаа явуулдаг гадаад орчны талаар болон бизнесийн үйл ажиллагаанд нөлөөлдөг үндсэн хүчин зүйлсийн талаар сайтар ойлголттой байх, ялангуяа Монгол улсад тулгардаг асуудлуудын талаар мэдлэгтэй байх;
• Бичгийн болон аман харилцааны чадвар сайтай байх.
• Англи, Монгол хэлээр яриа болон бичгийн өндөр чадвартай;
• Төслийн менежментийн өндөр чадвартай;
• Аюулгүй байдалд тавих анхаарал өндөр ба ёс зүйн хамгийн өндөр стандартад нийцэх;

Сонирхож буй хүмүүс дараах бичигт баримтыг бүрдүүлж өгнө үү.

"Оюу толгой" ХХК-ийн ажилд бүртгүүлэх өргөдлийн маягтыг ЭНД дарж бөглөх эсвэл www.ot.mn цахим хуудасны ажлын зар хэсгээс холбогдох ажлын байрыг сонгож, зарын доорх хэсэг дэх холбоос дээр дарж цахимаар өргөдөл бөглөнө үү.

Өргөдлийн маягтыг цахимаар бөглөхдөө доорх материалыг файл хэлбэрээр хавсаргана уу.

• Ажилд орохыг хүссэн өргөдөл (англи, монгол хэлээр)
• Товч намтар (англи, монгол хэлээр)