Дотоод ажлын зар

Нэвтрэлт, үйлчилгээний багийн ажилтан

“Оюу толгой”-н ажиллах хүчний 94-өөс илүү хувь нь Монгол ажилтнууд бөгөөд компанийн стратегийн гол чиглэл нь ажиллагсдынхаа чадварыг тасралтгүй хөгжүүлэхэд оршдог билээ. Бид өндөр чадвартай боловсон хүчнийг өөрсдөдөө татахыг зорьдог. Ингэснээр бид хамтдаа Монгол Улсын хөгжил дэвшилд хувь нэмэр оруулах, аюулгүй, дэлхийд өрсөлдөхүйц зэсийн үйлдвэрлэлийг бий болгож чадах юм.

Ажлын байр

"Оюу толгой" ХХКГүний уурхай – Үйлдвэрлэлийн хэлтэст Оюу толгойн уурхайн талбарт 14 хоног ажиллаж, 7 хоног амрах хуваарьтайгаар ажиллах арван хоёр (12) Нэвтрэлт, үйлчилгээний багийн ажилтан ажлын байранд ажилтан шалгаруулж авна.

Энэхүү албан тушаалын зорилго нь багийн зорилго, зорилтот төлөвлөгөөнд хүрэх компанийн бодлого, журамд нийцүүлэн үйл ажиллагааны нэгжид тоног төхөөрөмжийг ажиллуулах, засвар үйлчилгээ хийхэд оршино.

Үүрэг даалгавар

  • Компанийн стандарт, аюулгүй ажлын горимын дагуу бүх ажлыг хийх.
  • Уурхайн агааржуулалтын төхөөрөмж, даралтат хий, усны хоолой, газрын бэхэлгээ, ус зайлуулах төхөөрөмжийг суурилуулах, засах, дахин тохируулах, зайлуулахтай холбоотой ажлыг найдвартай, үр дүнтэй гүйцэтгэх.
  • Үйлчилгээний даалгаварт шаардагдах зураг, тойм зураг, төлөвлөгөөг унших, тайлбарлах, дагаж мөрдөх.
  • Өндөр чанартай ажлын гарцыг хадгалахын зэрэгцээ үйлдвэрлэлийн зорилтыг биелүүлэх талаар ажилаа төлөвлөж гүйцэтгэнэ.
  • Гүний уурхайн орчинд ажлын байрыг цэвэр, аюулгүй байлгах;
  • Ахлах ажилтан, техникийн дэмжлэг үзүүлэх багуудын өгсөн зааврыг дагаж мөрдөх;
  • Бизнесийн зорилгыг биелүүлэхийн тулд хамгийн бага хяналттайгаар, бие даан ажиллах;
  • Ажлын байран дахь аюулыг тодорхойлж, зохих хяналтыг хэрэгжүүлэх, шаардлагатай бол цааш нь мэдэгдэх;
  • Хамт ажиллагсад, ахлах ажилтан, хяналтын өрөө болон ажлын талбайн бусад ажлын хэсгүүдтэй цаг тухайд нь тодорхой харилцах;
  • Онцгой байдлын үед авах арга хэмжээний протоколын талаархи мэдээлэл, тэдгээрийн шаардлагыг дагаж мөрдөх.

Тавигдах шаардлага

  • Бүрэн дунд эсвэл түүнтэй адилтгах боловсролыг мэргэжлийн сургууль, мэргэжлийн сургалтын төвийн хөтөлбөрт (жишээ нь ажлын байрны дадлагажих хөтөлбөрүүд) хамрагдан диплом, гэрчилгээ авч эзэмшсэн байх.
  • Гүний уурхайд эсвэл холбогдох ажлын байранд 1-ээс дээш жил ажилласан туршлагатай
  • Харилцааны өндөр ур чадвартай байх
  • Аюулгүй ажиллагааны талаар тууштай ажиллахаа илэрхийлж, аюулгүй ажиллагааны зааврыг дагаж мөрддөг байх
  • Хөдөлмөрийн ёс зүй, хамгийн бага хяналт шалгалтаар ажлыг хамгийн дээд түвшинд гүйцэтгэх чадварыг харуулах
  • B ангиллын жолооны үнэмлэхтэй байх
  • C ангиллын жолооны үнэмлэхтэй бол давуу тал болно
  • Гүний уурхайд өмнө нь ажиллаж байсан туршлагатай бол давуу тал болно.
  • Хоолойг суурилуулах, өндөр хэмийн ажил хийх, угсралт хийх эсвэл өндөрт ажиллах туршлагатай бол давуу тал болно.

Сонирхож буй хүмүүс дараах бичигт баримтыг бүрдүүлж өгнө үү:

"Оюу толгой" ХХК-ийн ажилд бүртгүүлэх өргөдлийн маягтыг ЭНД дарж бөглөх эсвэл www.ot.mn/local-career/ хуудасны ажлын зар хэсгээс холбогдох ажлын байрыг сонгож, зарын доорх хэсэг дэх холбоос дээр дарж цахимаар өргөдөл бөглөнө үү.

Өргөдлийн маягтыг цахимаар бөглөхдөө доорх материалыг файл хэлбэрээр хавсаргана уу.

o Ажилд орохыг хүссэн өргөдөл (англи, монгол хэлээр)

o Товч намтар (англи, монгол хэлээр)