Механикийн зөвлөх

Нээлтийн огноо: 2022-01-10
Хаалтын огноо: 2022-01-21 17:30
Хэлтэс: Үйл ажиллагаа

“Оюу толгой”-н ажиллах хүчний 95-аас илүү хувь нь монгол ажилтнууд бөгөөд компанийн стратегийн гол чиглэл нь ажиллагсдынхаа чадварыг тасралтгүй хөгжүүлэхэд оршдог билээ. Бид өндөр чадвартай боловсон хүчнийг өөрсдөдөө татахыг зорьдог. Ингэснээр бид хамтдаа Монгол Улсын хөгжил дэвшилд хувь нэмэр оруулах, аюулгүй, дэлхийд өрсөлдөхүйц зэсийн үйлдвэрлэлийг бий болгож чадах юм.

Ажлын байр

"Оюу толгой" ХХК – Уурхайн засвар үйл ажиллагааны хэлтэст Оюу толгойн уурхайн талбарт 14 хоног ажиллаж, 14 хоног амрах хуваарьтайгаар ажиллах нэг ( 1) Механикийн зөвлөх ажлын байранд ажилтан шалгаруулж авна.

Энэхүү ажлын байрны үндсэн зорилго нь уурхайн үйл ажиллагааны зорьсон зорилтод хүрэх, төлөвлөсөн үйлдвэрлэлийн төлөвлөгөөг биелүүлэхийн тулд тус нэгжийн нэгжид хамаарах хүнд машин механизм тоног төхөөрөмжийн бэлэн байдалд найдварт ажиллагаанд голлон анхаарах, зардлыг бууруулах бүтээмжийг сайжруулах тал дээр өөрийн шууд харьяалалд байгаа багийн үйл ажиллагааны хэрэгжүүлэлт, гүйцэтгэлийг компанийн бодлого журмын дагуу удирдах, төлөвлөх, зохион байгуулах, сургаж заах, тогтолцоотойгоор заавар зөвлөгөө өгөхөд оршино.

Засвар үйлчилгээний тогтвортой байдлыг сайжруулах төслүүдийг удирдах буюу чиглүүлэн ажиллана.

Үйл ажиллагааны хэлтсийн засвар үйлчилгээний хэсэг болон төлөвлөлтийн хэсэгтэй нягт холбоо үүсгэн ажиллана. Үндсэн баг доторх нэгж хэсгийг үр ашигтайгаар удирдан ажиллах ба нэгж хэсгийн өсөлт хөгжилт, бүтээмж, аюулгүй ажиллагааг хариуцан ажиллана.

Энэ албан тушаал нь багуудын өдөр тутмын үйл ажиллагаанд оролцох болон ахлах мэргэжилтэнг орлож ажиллах байдлаар Засварын ахлах мэргэжилтэнд дэмжлэг үзүүлнэ.

Үүрэг даалгавар

  • САТ, Bucyrus, Liebherr, Atlas Copco, Komatsu загварын хүнд болон дунд оврын тоног төхөөрөмжийн гидрийн систем, хийн систем, цахилгаан тоноглол болон эд ангуудын эвдрэлд оношилгоо хийж засварлах
  • Төлөвлөгөөт болон төлөвлөгөөт бус засвар үйлчилгээ хийхэд багийн гишүүдийн аюулгүй ажиллах аргачлалд заавар, зөвлөгөө өгөх
  • Засварын ажлын гүйцэтгэлд хяналт тавих, ажилчдын хэрэгцээг тодорхойлох, заавар зөвлөмж, чиглэл өгөх
  • Тогтмол хийгддэг засварын зардлын үр ашигтай байдлыг үнэлэх буюу нэмэгдүүлэх боломжуудыг тодорхойлох
  • Тоног төхөөрөмжийн нарийн төвөгтэй гэмтэл, эвдрэлийг судлан шийдвэрлэх (RCA; DMIAC аргачлалуудыг өндөр төвшинд ашиглана)
  • Ахлах ажилчид болон инженерүүдэд төрөл бүрийн асуудал судлан шийдвэрлэхэд нь заавар чиглэл өгнө, хамтран ажиллана
  • Practical Problem Solving аргачлалын дагуу гэмтэл доголдлын судалгааг хийж, асуудлыг шийдвэрлэнэ.
  • Механикийн засварын ажлын төлөвлөгөө, төлөвлөлтөд дэмжлэг үзүүлэх, төлөвлөх
  • Хөрөнгийн ашиглалтын хугацааг сайжруулахад чиглэсэн зөвлөмжийг гаргана
  • Засвар үйлчилгээний тактик боловсруулах ажилд мэргэжлийн дэмжлэг үзүүлнэ (Техникийн үзүүлэлтүүд, зориулалт, хүчин чадал гэх мэт)
  • Ажлын стандарт журам (АСЖ) болон Ажлын аюулын дүг шинжилгээ (ААДШ) -ыг хянан сайжруулах, боловсруулах ажлын алхмуудад харгалзах аюулгүй ажиллагааны болон техникийн, мэргэжлийн дэмжлэг үзүүлнэ
  • Ашиглалтын найдвартай байдлыг сайжруулахын тулд урт хугацааны стратеги боловсруулах, операторуудын ур чадварыг нэмэгдүүлэхэд Үйл ажиллагааны болон сургалтын багт дэмжлэг үзүүлэх ба Ашиглалтын найдвартай байдлыг хангах програмын хэрэгжилтийг ханган ажиллана
  • Төрөл бүрийн өөрчлөлтүүд дээр MOC-г хэрэглэж хэвших тал дээр хүмүүсийг дэмжиж, үлгэрчлэн ажиллана

Тавигдах шаардлага

  • Механик инженер эсвэл үүнтэй ижил төстэй мэргэшлийн чиглэлээр Бакалавр болон түүнээс дээш боловсролын зэрэгтэй байх
  • 5-с доошгүй жил тус чиглэлээр ажилласан эсхүл практик туршлага, ажлын байрны сургалтаар дамжуулан ажлын туршлага хуримтлуулсан байх
  • Нэн тэргүүнд тулгамдсан асуудлыг шийдвэрлэхийн тулд нөөц бололцоог үр дүнтэй, үр ашигтай ашиглах төлөвлөгөө гаргаж, хэрэгжүүлэх, хяналт тавих
  • Оюу толгойн ажлын орчинд механик/цахилгаан тоног төхөөрөмжийн засвар үйлчилгээний стандарт, АСЖ-ыг хэвшүүлэх, үйл ажиллагааг сайжруулах арга техник, хэрэгслийг ашиглан оновчтой болгох боломжийг тодорхойлох
  • Нэн чухал эд ангийн/сэлбэгийн жагсаалтыг тодорхойлох, боловсруулах, үүсгэх
  • Тоног төхөөрөмжийн засвар үйлчилгээний стратеги, засварын төлөвлөлтийн процесс, аюулгүй ажиллагааны шаардлагуудын талаар мэдлэгтэй байх
  • Засвар үйлчилгээний төлөвлөсөн бүх ажлын стандарт ажлын бүх багцад аюулгүй ажиллагаа, эрүүл мэндийн сайжруулалтыг тусгасан систем боловсруулах
  • Янз бүрийн баримт бичиг, маягтыг хийж чаддаг ба өдөр тутамдаа Microsoft Word, Excel & PowerPoint зэрэг дээр захидал, хөтөлбөр боловсруулах, бүртгэлийн жагсаалт хөтлөх, хурал цуглааны хөтөлбөр, танилцуулга материалыг бэлдэх ажлуудыг үр дүнтэйгээр хийж чаддаг байх
  • Англи хэлний ярианы болон бичгийн өндөр ур чадвартай байх

Сонирхож буй хүмүүс дараах бичигт баримтыг бүрдүүлж өгнө үү.

"Оюу толгой" ХХК-ийн ажилд бүртгүүлэх өргөдлийн маягтыг ЭНД дарж бөглөх эсвэл www.ot.mn цахим хуудасны ажлын зар хэсгээс холбогдох ажлын байрыг сонгож, зарын доорх хэсэг дэх холбоос дээр дарж цахимаар өргөдөл бөглөнө үү.

Өргөдлийн маягтыг цахимаар бөглөхдөө доорх материалыг файл хэлбэрээр хавсаргана уу.

  • Ажилд орохыг хүссэн өргөдөл (англи, монгол хэлээр)
  • Товч намтар (англи, монгол хэлээр)

Тодруулах зүйл байвал доорх хаягаар холбогдоно уу:

Монгол улс, Улаанбаатар 14240
Чингисийн өргөн чөлөө-15, Сүхбаатар дүүрэг
Моннис Цамхаг, 1 давхар

Утас: +(976) - 7010-3604


Бүх боломжит ажил горилогчид эмнэлгийн үзлэгт хамрагдана.
Зөвхөн сонгогдсон хүмүүстэй холбоо барьж дараагийн шалгаруулалтад оруулна.

Амжилттай шалгарсан өргөдөл гаргагч нарын сонгон шалгаруулалтын явцад өгсөн мэдээллийг Хүний нөөцийн бусад багууд болох Сургалтын болон Хүний нөөцийн үйлчилгээний багууд шаардлагын дагуу хэрэглэж болохыг анхаарна уу.

“Оюу толгой”-н уурхайд ажиллаж буй "Оюу mолгой" ХХК-н ажилчид болон гэрээт компаниудын ажилчид "Оюу mолгой" ХХК-д ажилд орох өргөдөл гаргахаас өмнө энэ тухайгаа өөрийн холбогдох удирдлага болон ажил олгогчдоо мэдэгдэж байхыг санал болгож байна.

"Оюу толгой" ХХК нь ажилд орох хүсэлт гаргасан иргэн бүрт адил, тэгш боломж олгон, ажилтан сонгон шалгаруулах үйл ажиллагааг шударга, ил тод явуулдаг бөгөөд ажилтан сонгон шалгаруулах эцсийн шийдвэрийг шалгаруулалтын комисс ямар нэгэн зуучлагч хувь хүний оролцоогүйгээр гаргадаг болно.