Даланзадгад, Ханбогд болон УБ хот зохион байгуулсан мод тарих арга хэмжээнд ханган нийлүүлэгч, гүйцэтгэгч компаниуд идэвхтэй оролцлоо
Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөнд “Оюу толгой” компани нэгдэн “100 сая мод” тарих амлалт өгсөн билээ. Мод тарих үйл ажиллагааныхаа нээлтийг 4 сарын 23-нд Ханбогд суманд, 5 дугаар сарын 7-нд Даланзадгад суманд , 5 дугаар сарын 15-ны Ням гарагт “Үндэсний цэцэрлэгт хүрээлэн”-нд амжилттай зохион байгууллаа.
Энэхүү мод тарих арга хэмжээнд 30 гаруй ханган нийлүүлэгч, гүйцэтгэгч компаниуд идэвхтэй оролцлоо
Мод тарьж ургуулах, байгаль орчноо хамгаалах үйлсэд идэвх санаачилгатай оролцож байгаа та бүхэндээ дахин талархсанаа илэрхийлж байна. 
“Оюу толгой” ХХК-ийн тухай (www.ot.mn)
“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.
"Оюу толгой"-н Фэйсбүүк болон Твиттер хаягаар бидэнтэй холбогдож болно.